Смарт колор е компанија чија основна дејност е трговија со бои и лакови, лепила и други производи за завршни работи во градежништвото, како и потребниот молерофарбарски алат. „Смарт колор“ е модерна трговска фирма која работи по светски стандарди.

Фирмата е основана во 2004 год. Вработените во оваа фирма го негуваат современиот начин на работа, што подразбира врвен квалитет и знаења со што им се приближува на сé побројните купувачи и партнери. Ваквиот поволен однос помеѓу квалитетот и цените се постигнува со стабилни релации помеѓу добавувачите како и со воспоставување взаемна доверба помеѓу вработените и купувачите.

Сите оние кои го имале задоволството да купуваат во нашата продавница виделе дека освен бои, лакови, четки и друг алат и опрема, можат да сметаат на асистенцијата и љубезноста на едуцираните продавачи како и на ниските цени. Истовремено, нашиот тим ќе ви понуди совети, идејни решенија и помош при донесувањето на одлуките, упатства за аплицирањето на производите како и помош и решенија при евентуалните проблеми кои се појавуваат во домот: влага, мувла, чад итн.

Соработуваме со докажани производители од Европа, како и со производители од соседните земји. Во нашиот асортиман ќе најдете бои кои се наменети токму за вас и вашите потреби за боење на внатрешните ѕидови, надворешните фасади, полиуретански бои и лакови за Вашиот мебел, како и лакови за паркет и заштита на дрво.

За таа цел, ние ви нудиме избор на повеќе од 10000 нијанси по каталог на RAL, NCS, ER-LAC, но истовремено, кај нас можете да добиете и боја која сте ја одбрале надвор од каталошката понуда.